آیان علی جیل میں آرام دی زندگی گزار رہی ہیں
آیان علی کو خواتین کی بارک میں ایک علیحدہ کمرہ دیا گیا ہے اور ایک خدمتگار مہیا کی گئی ہے
پاکستانی ماڈل اور سنگر آیان کو ہفتے کے روز کثیر تعداد میں کرنسی کو دوبئی اسمگلر کرتے ہوئے اسلام آباد کے ائیر پورٹ سے گرفتار کر لیا گیا تھا۔
تاہم وہ جیل میں ایک آرام دہ زندگی گزار رہی ہیں۔
مقامی ذرائع کے مطابق آیان کو خواتین کی بارک میں ایک علیحدہ کمرہ دیا گیا ہے اور اس کے ساتھ ساتھ ایک خاتون خدمتگار بھی مہیا کی گئی ہے کمرے کی صفائی ستھرائی کرتی اور آیان کو کھانا پیش کرتی ہے۔
آیان کو کھانا اور پانی جیل کے باہر سے فراہم کیا جاتا ہے۔
ذرائع کے مطابق آیان نے اڈیالہ جیل کے مینو کے مطابق کھانا کھانے سے انکار کر دیا تھا جس پر جیل حکام نے انہیں تازہ جوس اور بسکٹ پیش کئے۔
اس کے علاوہ اتوار کے روز انہوں نے جیل کے حکام سے فرمائش کی کہ انہیں پاکستان اور آئر لینڈ کے درمیان کرکٹ میچ کی اپ ڈیٹس سے بھی اگاہ کیا جائے۔
واضح رہے کہ آیان علی کو دو روز قبل بے نظیر ائیر پورٹ پر ان کے سامان کی چیکنگ کے دوران کسٹم حکام نے ان کے پاس سے 5 لاکھ ڈالر کی خطیر رقم برآمد کی جسے وہ اپنے ساتھ دوبئی لے جا رہی تھیں۔
