ہیرس لاعلمی میں فلسطین دوست گیت کی سنگت کرتی رہیں
کاملا ہیرس کو جیسے ہی پتہ چلا کہ ان کے استقبالی جو گیت گا رہے ہیں اس کے بول فلسطین اور ہیٹی کے حق میں ہیں تو انہوں نے تالیاں بجانا بند کر دیں
امریکہ کی نائب صدر کاملا ہیرس کو دورہ پورٹوریکو کے دوران جیسے ہی پتہ چلا کہ ان کے استقبالی جو گیت گا رہے ہیں اس کے بول فلسطین اور ہیٹی کے بارے میں ہیں تو انہوں نے تالیاں بجانا بند کر دیں۔
فوکس نیوز چینل کے مطابق ہیرس نے 22 مارچ کو پورٹوریکو کے دارالحکومت سان خوآن کے کنوینشن سینٹر کا دورہ کیا۔
دورے کے دوران سینٹر کے ہال میں 6 رکنی گروپ کے گیت کی سنگت میں تالیاں بجاتی اور محظوظ ہوتی ہیرس کو جیسے ہی پتہ چلا کہ گیت کے بول فلسطین اور ہیٹی کے بارے میں ہیں تو انہوں نے تالیاں بجانا بند کر دیا۔
ریپبلکن نیشنل کمیٹی کے ذرائع کے مطابق گیت کے بول تھے "کاملا تمہارا یہاں کیا کام ہے؟ فلسطین زندہ باد، ہیٹی زندہ باد"۔ وفد میں شامل ایک شخص کے آگاہ کرنے تک کاملا تالیاں بجا کر اور سر ہلا کر گیت کا ساتھ دیتی رہیں۔
کنوینشن سینٹر کے باہر بھی مظاہرین نے " اسرائیل اور امریکہ نسل کُش " اور "کاملا ہیرس جنگی مجرم " کے نعرے لگا کر احتجاج کیا۔
متعللقہ خبریں
امریکہ، احتجاجی مظاہروں کی لپیٹ میں
مظاہرے کولمبیا یونیورسٹی سے شروع ہوئے اور لہروں کی شکل میں ملک بھر میں پھیل رہے ہیں