صومالیہ میں شدید بارشیں،ہلاکتوں کی تعداد 101 ہو گئی

 صومالیہ میں تقریبا دو ہفتوں سے جاری شدید بارشوں  اور سیلاب کے باعث اب تک 101 افراد ہلاک ہو چکے ہیں۔

 صومالی صدر حسن شیخ محمود  نے سرکاری ٹی وی پر بتایا کہ شدید بارشوں اور سیلاب کے باعث ہلاک ہونے والوں کی تعداد بڑھتے ہوئے 101 تک جا پہنچی ہے۔

 صدر نے بتایا کہ  سیلاب سے اب تک 25 لاکھ افراد متاثر  جبکہ 11 لاکھ نقل مکانی پر مجبور ہو چکے ہیں ، چار ہزار مویشی  تلف ہو چکے ہیں اور ایک  لاکھ چالیس ہزار مکانات تباہ ہو چکے ہیں۔

 حالیہ سالوں کے دوران  سنگین خشک سالی  سے متاثرہ ممالک کینیا اور صومالیہ کو ماحولیاتی تبدیلی کا بھی کافی سامنا ہے۔

سیلاب کی وجہ سے صومالیہ کے  بعض علاقوں میں ہنگامی حالت نافذ ہے ۔