حماس اور اسرائیل کے درمیان یرغمالیوں کی رہائی کا معاہدہ قریب ہے: بائیڈن
امریکی صدر جوبائیڈن نے کہا ہے کہ غزہ میں یرغمالیوں کی رہائی کا معاہدہ قریب ہے اور مجھے اس کا یقین ہے، بائیڈن نے البتہ اس حوالے سے زیادہ تفصیل نہیں بتائی
امریکی صدر جوبائیڈن نے کہا ہے کہ غزہ میں یرغمالیوں کی رہائی کا معاہدہ قریب ہے اور مجھے اس کا یقین ہے، بائیڈن نے البتہ اس حوالے سے زیادہ تفصیل نہیں بتائی۔
امریکی میڈیا کا کہنا ہے کہ عنقریب حماس اور اسرائیل کے درمیان فلسطینی خواتین اور بچوں کے بدلے اسرائیلی خواتین اور بچوں کو رہا کیا جا سکتا ہے۔
دی واشنگٹن پوسٹ سے گفتگو کے دوران اپنا نام نہ بتانے والے اسرائیلی عہدےدار کا کہنا تھا کہ اسرائیل اور حماس کے درمیان اسیروں کے تبادلے پر اتفاق ہو چکا ہے لہذا جلد ہی اسرائیلی اور فلسطینی بچے اور خواتین کی رہائی عمل میں آ سکتی ہے۔
ترجمان وائٹ ہاؤس نے کہا کہ اسرائیل اور حماس کے درمیان مذاکرات آخری مرحلے میں ہیں اور ہم معاہدے کے لیے پر امید ہیں البتہ، وائٹ ہاؤس کے ترجمان جان کربی نے اس حوالے سے مزید تفصیلات بتانے سے انکار کردیا۔
واضح رہے کہ قطری حکام بھی اسرائیل اور حماس کے درمیان تین روزہ جنگ بندی کے بدلے 50 یرغمالیوں کی بازیابی کے معاہدے کی کوششیں کررہے ہیں ۔
متعللقہ خبریں
فلپائن میں سمندری طوفان سے اموات کی تعداد 7 ہو گئی
طوفان سے 36 ہزار 143 افراد متاثر ہوئے اور 16 ہزار 426 افراد کو محفوظ مقامات کو منتقل کیا گیا