اسلامی تعاون تنظیم کی مقبوضہ مغربی کنارے میں اسرائیلی فوج کے ہاتھوں 3 فلسطینیوں کی ہلاکت کی مذمت

اسلامی تعاون تنظیم نے مقبوضہ مغربی کنارے میں اسرائیلی فوج کے ہاتھوں 3 فلسطینیوں کی ہلاکت کی مذمت کی ہے۔
او آئی سی کے ایک تحریری بیان میں مغربی کنارے میں جنین کے قریب ایک گاڑی کے اندر تین فلسطینیوں کو گولی مار کر ہلاک کرنے کو ’خوفناک جرم‘ قرار دیا گیا۔
بیان میں مغربی کنارے میں فلسطینیوں اور ان کی زمینوں کے خلاف جنونی یہودی آباد کاروں کے غنڈوں کے حملوں کی بھی مذمت کی گئی اور یاد دلایا گیا کہ 4 اگست کو نبلوس میں ان بنیاد پرست گروہوں کے حملوں کے نتیجے میں ایک فلسطینی ہلاک اور کچھ زخمی ہوئے تھے۔ 
بیان میں کہا گیا ہے کہ اسرائیل کو فلسطینیوں کے خلاف جاری حملوں کے نتائج کا ذمہ دار ٹھہرایا  گیا ہے، عالمی برادری سے مطالبہ کیا جاتا ہے  کہ وہ فلسطینی سرزمین پر اسرائیل کے جرائم کا سد باب کرے۔
یاد رہے کہ اسرائیلی فوجیوں نے گزشتہ روز جنین کے قریب ارابہ قصبے میں ایک گاڑی پر فائرنگ کی جس کے نتیجے میں 3 فلسطینی شہید ہوگئےتھے۔
ایک تحریری بیان میں اسرائیلی فوج کے ترجمان نے دعویٰ کیا تھا کہ ہلاک ہونے والے فلسطینی حملے کی تیاری کے لیے ’دہشت گردی کا سیل‘ تھے اور گاڑی میں ایک خودکار رائفل تھی۔