میکسیکو: فٹبال گراونڈ پر مسلح حملہ، 6 افراد ہلاک
صوبہ ہڈالگو کے فٹبال گراونڈ پر مسلح حملے کے نتیجے میں 6 افراد ہلاک ہو گئے، ہلاک ہونے والوں میں سے 3 اٹھارہ سال سے کم عمر تھے
1987170
میکسیکو کے صوبہ ہڈالگو کے فٹبال گراونڈ پر مسلح حملے کے نتیجے میں 6 افراد ہلاک ہو گئے ہیں۔
پولیس ڈائریکٹر الیجانڈرو روسالیس نے جاری کردہ بیان میں کہا ہے کہ صوبہ ہڈالگو کے قصبے آٹوٹونلکو ڈی ٹولا میں اتوار کے دن ایک فٹبال گراونڈ پر مسلح حملہ کیا گیا ہے۔
حملے میں 6 افراد ہلاک ہو گئے ہیں ہلاک ہونے والوں میں سے 3 اٹھارہ سال سے کم عمر تھے۔ عینی شاہدوں کے مطابق حملے کے نتیجے میں لوگ زخمی بھی ہوئے ہیں۔
حکام نے حملے کی وجہ سے متعلق کوئی معلومات فراہم نہیں کیں تاہم علاقے کے عوام کا دعوی ہے کہ حملہ ہمسایہ صوبوں کے رہائشیوں کی طرف سے اور دشمنی کی بِنا پر کیا گیا ہے۔
واضح رہے کہ میکسیکو کے صوبہ موریلوس میں ستمبر 2022 میں بھی ایک فٹبال گراونڈ پر مسلح حملہ کیا گیا تھا ۔ حملے میں 4 افراد ہلاک ہو گئے تھے۔
