صومالیہ میں انسانی بحران سے نمٹنے کے لیے فوری طور پر متحرک ہونے کی ضرورت ہے: انتونیو گوتریس

اقوام متحدہ  کے سکریٹری جنرل انتونیو گوتریس نے صومالیہ میں انسانی بحران سے نمٹنے کے لیے فوری طور پر  متحرک ہونے  کی اپیل کی ہے۔

صومالیہ کے دورے کے دوسرے دن بھی اپنے رابطوں کو جاری رکھتے ہوئے گوتریس نے پریس کو  بیان دیتے ہوئے  کہا ہے کہ وہ صومالیہ میں امن اور استحکام کی حمایت جاری رکھیں گے، انہوں نے  دنیا سے اپیل کی کہ  وہ  صومالیہ  کو تباہی سے  بچانے کے لیے کام کریں۔

گوتریس   نے کہا، "آئیے امن و سلامتی، پائیدار ترقی اور انسانی حقوق کے قیام اور صومالیہ کے مستقبل کو یقینی بنانے کے لیے اکٹھے ہوں۔

انہوں نے کہا کہ  اقوام متحدہ صومالیہ کے باشندوں کے شانہ بشانہ ہے ۔ گوتریس  نے کہا کہ  صومالیہ موسمیاتی تبدیلیوں سے سب سے زیادہ متاثر ہونے والے خطوں میں شامل ہے۔

انہوں نے  کہا کہ  صومالیہ میں طویل عرصے سے جاری خشک سالی اور سلامتی کے مسائل کی وجہ سے تقریباً 6 ملین افراد خوراک کے "انتہائی نازک" مسائل کا شکار ہیں۔

رپورٹس کے مطابق، ملک کو انسانی امداد کے لیے تقریباً 2.6 بلین ڈالر کی ضرورت ہے، جس میں سے اب تک صرف 15 فیصد کو پورا کیا جا سکا ہے۔