امریکی طیارہ بردار بحری جہاز کا رخ شام کے قریب کر دیا گیا

ایرانی نواز گروپوں کے شام میں متعین امریکی اڈوں پر حملوں کے بعد بحیرہ روم میں موجود یو ایس ایس جارج بش  طیارہ بردار بحری جنگی جہاز کو احتیاطاً شام کے قریب لنگر انداز کر دیا ہے۔

پینٹاگون کی نائب ترجمان صابرینہ سنگھ نے یومیہ پریس کانفرنس کے دوران اس بات کا اظہار کیا ۔

نائب ترجمان نے بتایا کہ زلزلوں کے بعد ترک ساحلوں کے قریب موجود ہمارا بحری جہاز اس صورتحال کے پیش نظر اب شامی ساحلوں کے قریب  لنگر انداز ہوگا البتہ ترجمان نے اس جہاز کی وہاں موجودگی سے متعلق مدت نہیں بتائی۔

صابرینہ سنگھ نے ایران کے خلاف کسی ممکنہ  آپریشن سے متعلق سوال کے جواب میں کہا کہ جہاز کی شام کے قریب موجودگی دراصل ہمارے فوجیوں پر حملے کا جواب ہے ۔