چینی جاسوس غبارے کا جائزہ لے رہے ہیں: امریکی  محکمہ دفاع

امریکی  محکمہ دفاع (پینٹاگون) نے اعلان کیا ہے کہ وہ لاطینی امریکہ پر پرواز کرنے والے ایک اور چینی جاسوس غبارے کا جائزہ لے رہے ہیں۔

پینٹاگون کے ترجمان بریگیڈیئر جنرل پیٹرک رائیڈر نے کہا کہ "ہم نے لاطینی امریکہ کے اوپر سے گزرنے والے غبارے کے بارے میں آگاہی حاصل ہے۔  ہم اسے چینی نگرانی والا غبارہ سمجھتے ہیں۔ اس مرحلے پر ہمارے پاس  صرف یہی   معلومات ہیں۔

پینٹاگون نے چند روز قبل امریکی فضائی حدود میں  بلندی پر ایک چینی  غبارے کا پتہ لگایا تھا۔

انہوں نے کہا کہ  یہ  غبارہ 60,000 فٹ کی بلندی پر امریکہ کے اندرونی حصوں پر اڑ رہا ہے، پینٹاگون نے اعلان کیا کہ غبارے سے شہری ہوابازی یا زمین کو کوئی خطرہ نہیں ہے۔

غبارے  کا پتہ چلنے کے بعد امریکی وزیر خارجہ انٹونی بلنکن نے اگلے ہفتے  ااپنا  دورہ  بیجنگ ملتوی کر دیا۔

اپنے ملتوی ہونے والے دورے کے بارے میں، بلنکن نے کہا، "سب سے پہلے، ہماری فضائی حدود میں امریکہ کے اوپر نگرانی کے غبارے کو اڑانا ہماری خودمختاری اور بین الاقوامی قانون کی صریح خلاف ورزی ہے۔ یہ ناقابل قبول ہے اور ہم نے چین کو اس  بارے میں آگاہ کردیا ہے۔ انہوں نے کہا کہ  غبارے کے بحران نے ان کے بیجنگ کے دورے کے مقصد کو نقصان پہنچایا، جس میں دوطرفہ تعلقات اور بہت سے مسائل کا احاطہ کیا جائے گا جو دونوں ممالک کے عوام کے لیے مشترکہ تشویش کا باعث ہیں، بلنکن نے کہا، "میں سمجھتا ہوں کہ ہر وہ ملک جس کی فضائی حدود کی خلاف ورزی کی گئی ہے ایسی ہی سوچ رکھتا ہے۔

چینی کمیونسٹ پارٹی کے خارجہ تعلقات کے ڈائریکٹر وانگ یی کے ساتھ فون پر بات کرنے والے بلنکن نے کہا، "یہ ایک غیر ذمہ دارانہ عمل ہے، اور میرے طے شدہ سفر سے عین قبل چین کے یہ قدم اٹھانے کے فیصلے نے ہمارے طے شدہ وسیع مذاکرات کو نقصان پہنچایا ہے۔