نیوزی لینڈ میں طوفان،کشتی ڈوبنے سے 4 افراد ہلاک
طوفان کے سبب ملک کے سب سے بڑے شہر آک لینڈ میں افراتفری دیکھنے میں آئی اور قریبی سمندر میں ماہی گیروں کی ایک بڑی کشتی بھی ڈوب گئی جس میں سوار چار افراد ہلاک ہو گئے
1799008
نیوزی لینڈ کے شمالی جزیرے کو آج ایک شدید طوفان نے اپنی لپیٹ میں لے لیا ہے ۔
اس طوفان کے سبب ملک کے سب سے بڑے شہر آک لینڈ میں افراتفری دیکھنے میں آئی اور قریبی سمندر میں ماہی گیروں کی ایک بڑی کشتی بھی ڈوب گئی۔
اس کشتی کے ڈوب جانے کے نتیجے میں چار افراد ہلاک ہو گئے جن کی نعشیں تلاش کر لی گئی ہیں البتہ ایک شخص ابھی تک لاپتہ ہے۔
اس طوفان کے ساتھ آک لینڈ اور دیگر شہروں میں شدید بارشیں بھی ہوئیں۔
بتایا گیا ہے کہ ایک گھنٹے میں وہاں اتنی زیادہ بارش ہوئی جتنی عموماﹰ پورے مہینے میں ہوتی ہے۔
