روس: یوکرین فائر بندی کی پابندی نہیں کر رہا

روس وزارت دفاع نے کہا ہے کہ روسی فوج، شہریوں کے انخلاء کے لئے تشکیل دی گئی، انسانی امداد راہداریوں کے علاقوں میں فائر بندی کی پابندی کر رہی ہے۔

روس وزارت دفاع قومی کنٹرول مرکز کے سربراہ میخائل میزئینٹ سیو نے دارالحکومت ماسکو میں یوکرین میں موجود غیر ملکی شہریوں کے انخلاء کے مرحلے سے متعلق پریس کانفرنس کی۔

میخائل میزئینٹ سیو نے کہا ہے کہ یوکرین میں انسانی امداد کی صورتحال خراب ہے اور بعض علاقوں میں شہریوں کے انخلاء کے لئے فائر بندی کا اعلان کیا گیا ہے۔ مذکورہ علاقوں میں 13 انسانی امداد راہداریاں بنائی گئی ہیں لیکن یوکرینی فریق فائر بندی کی پابندی نہیں کر رہا۔

انہوں نے کہا ہے کہ " اعلان کی گئی فائر بندی پر اس وقت تک صرف روس مسلح افواج عمل کر رہی ہیں"۔

میخائل میزئینٹ سیو نے شہری انخلاء کے موضوع پر یوکرینی فریق کے مطالبات کو غیر حقیقی قرار دیا اور کہا ہے کہ انخلاء کے معاملے میں ہدف تک رسائی نہیں ہو سکی۔

اہوں نے کہا ہے کہ 24 فروری سے لے کر اب تک یوکرین سے 45 ہزار بچوں سمیت ایک لاکھ 79 ہزار شہریوں کو روس لایا جا چکا ہے۔