روسی جنگی طیاروں نے امریکی طیاروں کو اپنی فضائی حدود سے دُور ہٹا دیا

روس کے جنگی طیاروں نے بحیرہ اسود پر پرواز کرتے امریکی ائیر فورس کے طیاروں کو فضائی حدود کی خلاف ورزی کی وجہ سے اپنی سرحدوں سے دور ہٹا دیا ہے۔

روس وزارت دفاع کے جاری کردہ بیان کے مطابق بحیرہ اسود پر پرواز کرتے 2 امریکی B-1B اسٹریٹجک بمبار طیارے اور 2 عدد KC-135 ٹینکر طیارے روسی راڈاروں کی طرف سے تعاقب کئے گئے ہیں۔ 

روس کی فضائی حدود سے قریب آنے کی وجہ سے 2 رشئین Su-30 جنگی طیاروں نے پرواز کی اور امریکی طیاروں کا تعاقب کر کے انہیں اپنی حدود سے دُور ہٹا دیا ہے۔

بیان کے مطابق روسی طیارے امریکی طیاروں کو دُور ہٹانے کے بعد بیس پر واپس لوٹ آئے۔ امریکی طیاروں کی پرواز میں یہ مداخلت بین الاقوامی قوانین کی سخت پابندی کے دائرے میں کی گئی ہے۔