الجزائر نے اپنی فضائی حدود مراکش کے لیے بند کر دی

الجزائر کی اعلی دفاعی کونسل نے مراکشی سول اور عسکری طیاروں کے لیے اپنی فضائی حدود بند کرنے کا اعلان کر دیا ہے۔

 یاد رہےکہ الجزائر کے صدارتی دفتر نے کچھ عرصہ قبل مراکش کے ساتھ اپنے سفارتی تعلقات منقطع کیے تھے۔

الجزائر نے کہا ہے کہ گزشتہ سال مراکش کے ساتھ شروع ہونے والی کشیدگی سے نمٹنے کا یہ ایک مہذب طریقہ ہے۔

مراکش نے فی الحال اس پر کوئی رد عمل ظاہر نہیں کیا ہے۔

الجزائر کے صدارتی دفتر سے جاری ایک بیان میں کہا گیا ہے کہ اعلی دفاعی کونسل نے مراکش کی طرف سے مسلسل اشتعال انگیزی اور مخاصمانہ طرز عمل کے جواب میں  یہ فیصلہ کیا ہے۔