امریکی تاریخ میں پہلی بار پاکستانی نژاد صائمہ محسن کا بطور وفاقی اٹارنی انتخاب

امریکہ میں پہلی بار مسلمان خاتون کو وفاقی اٹارنی مقرر کیا گیا ہے اور یہ اعزاز ایک  پاکستانی کے حصے میں آیا ہے۔ 

خبر کے مطابق، امریکہ میں پہلی بار پاکستانی نژاد مسلمان خاتون صائمہ محسن کو مشی گن میں وفاقی اٹارنی مقرر کردیا گیا ہے۔

موجودہ وفاقی قانون دان  یکم فروری کو اپنے عہدے سے مستعفی ہوجائیں گے جس کے بعد یہ عہدہ 52 سالہ پاکستانی قانون دان سنبھال لیں گی۔

موجودہ  ٹارنی نے عہدے سے مستعفی ہونے کا اعلان کرتے ہوئے کہا کہ خوشی ہے میرے بعد ایک قابل قانون دان کو اپنی خدمات دینے کا موقع مل رہا ہے ۔

واضح رہے کہ پاکستانی نژاد صائمہ محسن 2002 سے امریکہ کے محکمہ انصاف کے ساتھ منسلک ہیں اور اس وقت اٹارنی آفس میں ملازمت کر رہی ہیں ۔وہ اس سے قبل نیو یارک،نیو جرسی اور  میشی گن میں بھی قانون دان کی حیثیت سے کام کر چکی ہیں۔