وسطی مالی میں مسلح افراد کا حملہ،21 افراد ہلاک،متعدد زخمی
معلوم ہوا ہے کہ اس واقعے میں متعدد افراد جل کر ہلاک ہوئے جبکہ دیہات کے مکانات اور زرعی اجناس سمیت مویشیوں کو بھی نذر آتش کر دیا گیا ہے
1360042
وسطی مالی میں فولانی قبیلے کے ایک دیہات پر حملے میں 21 افراد ہلاک ہو گئے۔
بتایا گیا ہے کہ نامعلوم مسلح افراد کے حملے میں متعدد افراد زخمی بھی ہوئے ہیں جبکہ بیشتر لا پتہ ہو گئے۔
معلوم ہوا ہے کہ اس واقعے میں متعدد افراد جل کر ہلاک ہوئے جبکہ دیہات کے مکانات اور زرعی اجناس سمیت مویشیوں کو بھی نذر آتش کر دیا گیا ہے ۔
علاقے میں حملہ آوروں کی گرفتاری کےلیے آپریشن شروع کر دیا گیا ہے ۔
سن 2012 سے ملک کے شمالی اور وسطی علاقوں میں علیحدگی پسندوں کے حملے جاری ہیں۔
