تیونس میں مسلح جھڑپ،پولیس افسر سمیت 3 دہشت گرد ہلاک

تیونس  کے صوبہ القصرین کے شہر حیدرہ میں جھڑپ کے دوران 1 پولیس افسر  سمیت تین مسلح دہشت گرد ہلاک ہو گئے۔

تیونس میں قبل از وقت صدارتی انتخابات سے دو ہفتے پہلے پیش آنے والا یہ واقعہ الجزائر کی سرحد کے نزدیک ایک  سلامتی آپریشن کے دوران سامنے آیا جو  کہ ایک دہشت گرد گروپ کے خلاف کیا گیا تھا۔

یاد رہے کہ القصرین صوبے میں اس سے پہلے بھی ایسے  کئی  واقعات پیش آ چکے ہیں جہاں کا پہاڑی سلسلہ  ان شدت پسند وں  کی پناہ گاہ بن چکا ہے۔