بیرونی ممالک ایمیزون کی آگ بجھانے سے دور رہیں : برازیل
برازیل کے انتہائی دائیں بازو کےحکومتی سربراہ جائیر بولسونارو نے کسی بھی ملک کو اس معاملے میں دخل اندازی سے خبردار کرتےہوئے فرانسیسی صدر امانویل ماکروں کو بھی شدید تنقید کا نشانہ بنایا ہے
1257118
ایمیزون جنگلات میں لگی آگ کی وجہ سے بین الاقوامی سطح پر تناؤ پیدا ہو گیا ہے۔
برازیل کے انتہائی دائیں بازو کے حکومتی سربراہ جائیر بولسونارو نے کسی بھی ملک کو اس معاملے میں دخل اندازی کرنے سے خبردار کیا ہے۔
انہوں نے اس حوالے سے فرانسیسی صدر امانویل ماکروں کو بھی شدید تنقید کا نشانہ بنایا۔
یاد رہے کہ ماکروں نے ایمیزون جنگلات میں لگی آگ کو ایک بین الاقوامی بحران قرار دیتے ہوئے کہا تھا کہ زمین کے پھپپھڑوں کو آگ لگ چکی ہے۔
ایمیزوں جنگلات کو زمینی ماحول کے لیے انتہائی اہم تصور کیا جاتا ہے جبکہ ماکروں اس موضوع کو جی سیون ممالک کے اجلاس کا حصہ بنانا چاہتے ہیں۔