فرانس کے امریکی فرموں پر ٹیکس پر امریکی صدر کا کرارا جواب

امریکی صدر ڈونلڈ ٹرمپ   نے فرانس کی جانب سے  امریکی فرموں کے بھی شامل ہونے والی عظیم ٹیکنالوجی فرموں کے خلاف ٹیکس عائد کرنے کے فیصلے کے بعد  فرانسیسی صدر ماکرون  کے خلاف   اپنے رد عمل کا مظاہرہ کرتے ہوئے کہا  ہے کہ"اس احمقانہ حرکت کا قلیل مدت کے اندر جواب دیا جائیگا۔"

ٹرمپ نے ٹویٹر پر اپنے بیان میں   فرانس کے اس نئے عمل درآمد پر کڑی نکتہ چینی  کی اور صدر ِ فرانس امینول کو ہدف بنایا۔

ڈونلڈ ٹرمپ نے کہا ہے کہ "فرانس نے امریکی ٹیکنالوجی فرموں پرنئے ٹیکس عائد کیے ہیں۔اگر کسی نے ان پر ٹیکس عائد کرنا ہے تو اس کا مجاز امریکہ ہے۔ ہم ماکرون کی اس احمقانہ حرکت کاعنقریب جواب دیں گے۔ میں ہمیشہ سے کہتا چلا آیا ہوں کہ امریکی شراب فرانسیسی شراب سے  کہیں زیادہ معیاری ہوتی ہے۔"

خیال رہے کہ فرانسیسی پارلیمنٹ نے گوگل، ایپل، آمازون کی طرح کی بڑی انٹر نیٹ فرموں  کی اس ملک میں حاصل کردہ آمدنی پر ٹیکس عائد  کیے جانے پر مبنی بل کی 11 جولائی کو منظوری دے دی تھی۔

جس کی رو سے ان فرموں سے تین فیصد ٹیکس وصول کیا جائیگا۔

جس سے فرانس امسال 400 ملین یورو جبکہ آئندہ برس 650 ملین یورو کی آمدنی حاصل کرنے کی توقع رکھتا ہے۔