امریکہ نے ایٹمی ادارے سے ایران کے معاملے پر ایک ہنگامی اجلاس طلب کیا ہے

متحدہ امریکہ  نے عالمی ایٹمی توانائی ادارے کے بورڈ آف ڈائریکٹرز کی ایران کی جوہری سرگرمیوں کے حوالے سے رپورٹ پر بحث کے لیے ایک خصوصی اجلاس طلب کیا ہے۔

امریکہ  کے اقوام متحدہ   کے ماتحت ویانا مشن  کی جانب سے جاری کردہ اعلان میں اطلاع دی گئی ہے کہ امریکی سفیر جیکی وولکوٹ نے  عالمی ایٹمی توانائی  ادارے کی جانب سے تیار کردہ ایران  رپورٹ پر ایک اجلاس منعقد کرانے کی اپیل کی ہے۔

اعلان میں کہا گیا  ہے کہ امریکہ، ایٹمی ادارے  اور اس کی ایران کے حوالے سے کوششوں کی حمایت  کرتا ہے۔ ایران کے جوہری معاہدے  پر پوری طرح کار بند ہونے یا نہ ہونے کے حوالے سے ایجنسی کو حقائق کو ہم سب کے سامنے پیش کرنا چاہیے۔

اعلان میں اس طرف اشارہ بھی کیا گیا ہے کہ ایٹمی ادارے کے بورڈ آف  گورنرز کااس حوالے سے اپنے اختیارات کا بھر پور استعمال اہمیت رکھتا ہے۔