میانمار کے حوالے سےتفتیشی ٹیم تشکیل دی جائے گی: اقوام متحدہ

اقوام متحدہ میں انسانی حقوق کی کونسل نے میانمار کے حوالے سے ایک ٹیم تشکیل دینے کی منظوری دے دی ہے۔

 یہ ٹیم 2011 سے میانمار میں مرتکب جرائم کے بارے میں شواہد جمع کرے گی۔

ان شواہد کو ملک میں انسانی حقوق کی پامالی کرنے والے عناصر کے تعاقب میں استعمال کیا جا سکتا ہے۔

اس سلسلے میں گزشتہ  روز 47 ارکان پر مشتمل انسانی حقوق کی کونسل میں رائے شماری ہوئی۔ کونسل کے 35 ارکان نےایک "خود مختار ڈھانچہ " تشکیل دینے کے حق میں اور 3 نے مخالفت میں ووٹ دیا۔

اس کا مقصد کونسل کی جانب سے حقائق جاننے والے کمیشن کو پایہ تکمیل تک پہنچانا ہے۔

 کمیشن کے برخلاف مذکورہ  ڈھانچے کے پاس ایسے شواہد ہوں گے جن کو فوجداری نوعیت کے الزامات کی پیروی میں استعمال کیا جا سکے گا۔

نئی ٹیم کی تشکیل کے لیے یہ  قرار داد آسٹریا کے زیر قیادت یورپی یونین اور پاکستان کے زیر قیادت اسلامی تعاون تنظیم کی جانب سے مشترکہ طور پر پیش کی گئی۔

 چین، برونڈی اور فلپائن نے قرار داد کی مخالفت کی جب کہ 7 ممالک  نے  رائے دہی  میں حصّہ نہیں لیا۔

نئی ٹیم اپنے کام کا آغاز آئندہ چند ماہ میں کر دے گی۔

انسانی حقوق کی جماعتوں کا کہنا ہے کہ فوجی  آپریشن کے نتیجے میں ہزاروں افراد اپنی جانوں سے ہاتھ دھو بیٹھے اور لاکھوں روہنگیا مسلمان بنگلہ دیش نقل مکانی کر گئے۔