یمن میں فریقین کے ہاتھوں جنگی جرائم ہوئے ہیں: اقوام متحدہ
اقوام متحدہ کا کہنا ہے کہ یمن میں جاری 3 سالہ تنازعے کے دوران رونما ہونے والے واقعات سے ظاہر ہوتا ہے کہ فریقین جنگی جرائم کے مرتکب ہوئے ہیں
1038914
اقوام متحدہ کے علاقائی اور بین الاقوامی ماہرین پر مشتمل گروپ کے سربراہ کمال الجندوبی نے کہا ہے کہ یمن میں جاری 3 سالہ تنازعے کے دوران رونما ہونے والے واقعات سے ظاہر ہوتا ہے کہ فریقین جنگی جرائم کے مرتکب ہوئے ہیں۔
اس گروپ کے بیان میں مزید کہا گیا کہ فریقین نے جنگ کے دوران عام شہریوں کی ہلاکتوں کو کم سے کم رکھنے کا بھی خیال نہیں رکھا۔
اقوام متحدہ کے اعداد و شمار کے مطابق، سن 2015 سے جاری یمنی تنازعے میں اب تک ساڑھے 6 ہزار سے زائد عام شہری ہلاک ہو چکے ہیں۔