کم جونگ اُن نے ٹرمپ سے ملاقات کی خواہش ظاہر کر دی

 شمالی کوریا کے لیڈرکِم جونگ اُن نے امریکی صدر ڈونالڈ ٹرمپ سے ’’جتنا جلد ممکن ہو‘‘ ملنے اور بات چیت کرنے کی خواہش کا اظہار کیا ہے۔

اُنھوں نے کہا ہے کہ وہ جوہری  اسلحے  اور میزائل تجربات سے گریز کا عزم کرتے ہیں۔

یہ حیران کُن اور تاریخی گزشتہ  شام  وائٹ ہاؤس کے باہر کھڑے جنوبی کوریا کے قومی سلامتی کے مشیر چونگ اویی یونگ نے کیا۔

چونگ نے کہا کہ ٹرمپ کِم سے مئی میں ملاقات کر سکتے ہیں۔

چونگ نے جزیرہ نما  کوریا کے نزدیک امریکہ اور جنوبی کوریا کی فوجی مشقوں کا بھی اعلان کیا جو تجویز کردہ پروگرام کے مطابق اپریل میں ہوں گی اور یہ کہ   کم جونگ ان سمجھتے ہیں کہ یہ مشقیں ضروری ہیں۔

واضح رہے کہ چونگ گزشتہ  روز واشنگٹن میں تھے جن  کا مقصد اِسی ہفتے پیونگ ہونگ میں ہونے والی اپنی بات چیت سے امریکی حکام کو آگاہ کرنا تھا۔