اقوام متحدہ نے شمالی کوریا کے لئے مزید 32 مصنوعات کو ممنوع قرار دے دیا
شمالی کوریا کے خلاف پابندیوں کی جانچ پڑتال کے لئے اقوام متحدہ کی مانیٹرنگ کمیٹی نے اس ملک کے ہاتھ فروخت نہ کی جانے والی مصنوعات کی فہرست میں مزید 32 مصنوعات کا اضافہ کر دیا
832923
![اقوام متحدہ نے شمالی کوریا کے لئے مزید 32 مصنوعات کو ممنوع قرار دے دیا](http://cdn.trt.net.tr/images/xlarge/rectangle/e612/723b/8644/59eee1212f333.jpg?time=1718912867)
شمالی کوریا کے خلاف پابندیوں کی جانچ پڑتال کے لئے اقوام متحدہ کی مانیٹرنگ کمیٹی نے اس ملک کے ہاتھ فروخت نہ کی جانے والی مصنوعات کی فہرست میں مزید 32 مصنوعات کا اضافہ کر دیا ہے۔
ممنوع قرار دی جانے والی مصنوعات میں ویکیوم رومز، کولنگ سسٹم، فلش ایکس رے مشین، سیسمک آلات اور پارٹیکل ایکسیلیریٹر جیسی مصنوعات شامل ہیں۔
واضح رہے کہ یہ مصنوعات مہلک ہتھیاروں کے استعمال میں بھی معاونت کر سکتی ہیں۔
اقوام متحدہ کی سلامتی کونسل نے 11 ستمبر کو شمالی کوریا کے لئے نئی پابندیوں کے مطالبے پر مبنی فیصلے کو منظور کرنے کے بعد اقوام متحدہ کی کمیٹی سے دوہرے مقاصد کے لئے استعمال کی جانے والی مصنوعات کی فروخت کی بھی ممانعت کا مطالبہ کیا تھا۔
اقوام متحدہ کی سلامتی کونسل سال 2006 سے لے کر اب تک اقتصادی اور فوجی پابندیوں پر مبنی کُل 9 فیصلوں کو منظور کر چکی ہے۔