ہم صدر ٹرمپ کے ہر فیصلے کی حمایت نہیں کر سکتے: ریپبلیکن سینیٹرز
امریکی ذرائع کا کہنا ہے کہ ریپبلکن پارٹی کے مزید دو سینیٹرز نے ملکی نظام صحت کے ’اوباما کیئر‘ نامی منصوبے کو ختم کرنے یا اس میں تبدیلی کی حمایت سے انکار کر دیا ہے
773253
امریکی صدر ڈونلڈ ٹرمپ کے شعبہ صحت میں اصلاحات کے منصوبے کو ایک اور دھچکا لگا ہے۔
ذرائع کے مطابق، ریپبلکن پارٹی کے مزید دو سینیٹرز نے ملکی نظام صحت کے ’اوباما کیئر‘ نامی منصوبے کو ختم کرنے یا اس میں تبدیلی کی حمایت سے انکار کر دیا ہے۔
سینیٹر مائیک لی اور جیری مورن نے گزشتہ پیر کے روز یہ اعلان کیا تھا تاہم ،اس خبر کے منظر عام پر آنے کے ساتھ ہی حکمراں جماعت کے حلقوں میں سنسنی پھیل گئی۔
سینیٹرزکے مطابق وہ کسی غلط پالیسی کا ساتھ نہیں دے سکتے۔
یاد رہے کہ ٹرمپ نے اپنی انتخابی مہم میں اوباما کیئر کو ایک بھیانک غلطی قرار دیتے ہوئے اسے فوری طور پر ختم کرنے کا وعدہ کیا تھا۔