القائدہ کا اہم کمانڈرامریکی حملے میں ہلاک،پینٹاگون کی تصدیق

گزشتہ روز جاری  بیان میں  پینٹاگون  کا کہنا ہے کہ  القاعدہ کمانڈر محمد حبیب بوسعدون التونسی تیونس کا شہری تھا۔

 بوسعدون القاعدہ کے بیرون ملک بالخصوص مغربی ملکوں میں دہشت گرد کارروائیوں کا انتظام  سنبھالتا تھا جو کہ  شامی شہر  عدلیب میں گزشتہ روز امریکی فضائی حملے میں ہلاک ہوا۔

پینٹاگان کے ترجمان پیٹر کوک کے مطابق ، التونسی ماضی میں متعدد مغربی ملکوں میں ہونے والی دہشت گرد کارروائیوں میں بھی  ملوث رہا ہے۔

 کوک نے بتایا کہ محمد حبیب بو سعدون التونسی 2014 میں شام آیا۔ اس سے قبل وہ مشرقی یورپ سمیت مشرق وسطی کے متعدد ملکوں میں مقیم رہا جہاں اس کے انتہا پسندوں سے گہرے روابط رہے ہیں۔

درایں اثنا امریکی محکمہ دفاع نے 12 جنوری کو القاعدہ کے ایک اور انتہا پسند رہنما عبدالجلیل المسلمی کو بھی عدلیب  ہی میں ایک فضائی کارروائی میں ہلاک کرنے کا دعوی کیا ہے ۔

یاد رہے کہ پیٹر کک نے 5 جنوری کو اپنے ایک بیان میں کہا تھا کہ ہم شام میں القاعدہ کے خلاف اپنی کارروائیاں اس وقت تک جاری رکھیں گے جب تک وہاں سے القاعدہ کا مکمل طور پر خاتمہ نہیں ہو جاتا۔