برازیل کی جیل میں قیدیوں کے درمیان جھڑپ ، 30 سے زائد قیدی ہلاک

 برازیل کی جیل میں قیدیوں کے 2 گروہوں کے درمیان خوفناک جھڑپ کے نتیجے میں 30 سے زائد قیدی ہلاک ہوگئے۔

برازیل کی شمال مشرقی ریاست کے شہر نٹال کی جیل میں قید 2 گروہوں کے درمیان  ہونے والے خونی تصادم کے نتیجے میں 30 سے زائد قیدی ہلاک ہوگئے ۔ تین قیدیوں کے سر بھی قلم کئے گئے ہیں۔21 قیدی فرار ہونے میں کامیاب ہو گئے جن میں سے 6  گرفتار کر لیا گیا ہے ۔ 620 قیدیوں کی گنجائش کی جیل میں 1083 قیدی موجود تھے ۔

حکام کے مطابق دو الگ الگ منشیات فروش گروہوں کے ارکان جیل کے مختلف حصوں سے باہر آئے اور پرتشدد جھڑپیں ہوئیں جس کے نتیجے میں 30 سے زائد قیدی ہلاک اور کئی زخمی ہوگئے جب کہ ہلاکتوں میں اضافے کا بھی خدشہ ہے تاہم واقعے کے بعد سیکیورٹی فورسز نے کاروائی کرتے ہوئے 14 گھنٹے بعد صورتحال پر قابو پالیا۔