تعجب ہے ایف بی آئی ثبوت ابھِی تک جمع کر رہی ہے:ٹرمپ
نو منتخب صدر ٹرمپ نے ٹویٹر پر سائبرحملوں سے متعلق ایف بی آئی کی رپورٹ میں تاخیر پر کہا کہ تعجب ہے کہ نام نہاد حملوں کے بارے میں بریفنگ جمعے تک ملتوی کر دی گئی ہے جس سے لگتا ہے کہ ایف بی آئی ثبوت جمع کر رہی ہے
644098
امریکی نو منتخب صدر ڈونالڈ ٹرمپ نے ٹویٹر پر سائبر حملوں سے متعلق ایف بی آئی نے اپنی رپورٹ جمعے کے روز تک ملتوی کرنے کے اعلان پر برہمی کا اظہار کیا ۔
ٹرمپ نے کہا کہ تعجب ہے کہ نام نہاد روسی سائبر حملوں کے بارے میں بریفنگ جمعے تک ملتوی کر دی گئی ہے جس سے لگتا ہے کہ ایف بی آئی کو ثبوت جمع کرنے کےلیے وقت درکار ہے ۔
یاد رہے کہ ٹرمپ نے ایف بی آئی سے روس سائبر حملوں کے بارے میں تفصیلات طلب کی تھیں۔
اوباما انتظامیہ کی جانب سے صدارتی انتخابات میں روس کے ملوث ہونے پر مبنی بیانات،روسی سفارتی اہلکاروں کی بے دخلی اور امریکی خارجہ پالیسیاں دونوں ممالک کے درمیان تعلقات کشیدہ کرنے کا سبب ہیں۔
