کینیا:امریکی سفارت خانے پرحملے کی کوشش،ایک شخص ہلاک

کینیا کے دارالحکومت نیروبی میں واقع امریکی سفارت خانے کے پاس  گزشتہ  روز ایک شخص کو اُس وقت گولی مار کر ہلاک کیا گیا جب وہ عمارت کے باہر ایک نیم فوجی محافظ پر حملے کی کوشش کر رہا تھا۔

کینیا کی پولیس کے مطابق، اہل کار نے اپنے دفاع میں حملہ آور پر دو گولیاں چلائیں جب اُس نے چھرا مارنے کی کوشش کی۔

 سفارت خانے نے تصدیق کی ہے کہ واقعے میں امریکی سفارت خانے کا کوئی اہل کار ملوث نہیں ہے۔

یہ بھی بتایا  گیا ہے کہ کہ اس  شخص نے اہلکار کے سر اور سینے پر وار کیے اور بندوق چھیننے کی کوشش کی جب اُسے گولی ماری گئی۔

 پولیس نے اس واقعے کی  تحقیقات شروع کر دی ہے۔