ٹرمپ کو نیا دھچکہ،اپنی ہی جماعت کے لوگ دغا دے گئے
بتایا گیا ہے کہ سینیٹ اور کانگریس کے 30سابقہ ریپبلکن ارکان نے ٹرمپ کے بیانات اور ملک کو نقصان پہنچانے کے خطرات کے پیش نظر حمایت کرنے سے انکار کر دیا ہے
امریکہ کے صدارتی انتخابات میں ریپبلیکن پارٹی کے امیدوار ڈونالڈ ٹرمپ کو ایک نیا دھچکہ پہنچا ہے ۔
معلوم ہوا ہے کہ سینیٹ اور کانگریس کے 30سابقہ ریپبلکن ارکان نے ٹرمپ کی حمایت سے انکار کر دیا ہے۔
ان ارکان نے ایک مشترکہ اعلامیئے پر دستخط کرتےہوئے بتایا کہ ٹرمپ نے اپنی انتخابی مہم کے دوران کانگریس کے قواعد اور اس کی سیاسی اقدار کا مذاق اڑایا تھا جس پر یہ فیصلہ کیا گیا ہے۔
سابق ارکان نے کہا ہے کہ ٹرمپ صدر بننے کے اہل نہیں ہیں لہذا ان کی حمایت کرنا مناسب نہیں ہیں۔
ایک سوال کے جواب میں ان ارکان کا کہنا تھا کہ ٹرمپ کے بجائے کلنٹن کو ووٹ دینےکے بارے میں بھی تاحال فیصلہ نہیں کیا گیا ہے۔
دوسری جانب ٹرمپ نے ریاست نیواڈا کی انتخابی مہم کے دوران ایک نیا مضحکہ خیز بیان دیتےہوئے کہا کہ 8 نومبر کو ہر امریکی ووٹ ڈالے گا خواہ کوئی بستر مرگ پر ہی کیوں نہ ہو۔
