امریکہ کے صدر باراک اوباما کی صدارتی مہم  کے دوران متنازعہ بیانات دینےوالے ڈونلڈ ٹرمپ پرتنقید

 امریکہ کے صدر باراک اوباما نے صدارتی مہم  کے دوران متنازعہ بیانات دینےوالے ری پبلکن پارٹی کے امیدوار ڈونلڈ ٹرمپ پر  شدیدتنقید کی ہے ۔

 صدراوباما نے کہا کہ ری پبلکن پارٹی کے رائے دہندگان کے علاوہ پارٹی کے حکام کو بھی ان کے ماضی میں دئیے گئے  بیانات  اور ان کے درست امیدوار ہونے یا نہ ہونے کا محتاط طریقے سے جائزہ لینے کی ضرورت ہے ۔ صدارت کوئی ریئلٹی شو نہیں ہے۔ یہ امریکی صدارت کے لیے  مقابلہ ہے ۔ ٹرمپ کا طویل ریکارڈ ہے جس کی چھان بین ہونی چاہئے۔

ٹیکساس کے سینٹر تیڈ کروز اور اوہیا گورنر جان کیسیک کے  ری پبلکن پارٹی کے انڈیانا کے پرائمری انتخابات میں ناکامی  کی وجہ سے  امیدواری سے دستبرداری کے اعلان  کے بعد ٹرمپ واحد امیدوار رہ گئے ہیں ۔ ٹرمپ نے جب سے صدارتی مہم شروع کی ہے وہ نسل پرستی پر مبنی بیانات دے رہے ہیں ۔ انھوں نے مسلمانوں کے امریکہ میں داخلے پر پابندی لگانے کی  جو اپیل  کی ہے اس پر عالمی برادری نے سخت رد عمل ظاہر کیا تھا ۔ ان بیانات اور ان کے جارحانہ موقف کیوجہ سے انھیں سخت تنقید کا نشانہ بنایا جا رہا ہے ۔