اقوام متحدہ: سیکریٹری جنرل کا انتخاب

اقوام متحدہ کی تاریخ میں پہلی بار سیکریٹری جنرل کے عہدے کے لئے امیدوار اپنی انتخابی مہم چلا رہے ہیں۔

اس مہم کے دوران وہ تین دن تک جنرل اسمبلی کے سامنے پیش ہوں گے اور ارکان کےسوالوں کے جواب دیں گے۔

خواتین امیدواروں کا تعلق بلغاریہ، کروشیا، مولدووا اور نیوزی لینڈ سے ہے جبکہ مرد امیدوار مقدونیہ، مونٹی نگرو، سلووینیا اور پرتگال کے شہری ہیں۔

سیکرٹری جنرل کے انتخاب کا طریقہ بھی کافی انوکھا ہے یعنی پندرہ رکنی سلامتی کونسل ایک امیدوار کے نام کا اعلان کرتی ہے اور جنرل اسمبلی اس کی بلا اعتراض منظوری دے دیتی ہے۔

۔ موجودہ سیکرٹری جنرل بان کی مون دس سال بعد اس سال دسمبر میں اپنے عہدے سے سبکدوش ہو جائیں گے۔