سلووینیا پناہ گزینوں کے لئے امید کی کرن

یورپ دوسری عالمی جنگ کے بعد سے لے کر اب تک کے سب سے بڑے پناہ گزینوں کے بحران پر قابو پانے کی کوشش کر رہا ہے۔
ایک معینہ تعداد میں پناہ گزینوں کو اپنی سرحدوں سے گزرنے کی اجازت دینے کا اعلان کرنے کے بعد سلووینیا پناہ گزینوں کے لئے امید کی ایک تازہ کرن بن گیا ہے ۔
سلووینیا کی وزارت داخلہ نے ایک دن میں 2 ہزار 500 پناہ گزینوں کے داخلے کو قبول کرنے کا اعلان کیا ہے ۔
کروشیا نے سلووینیا سے 5 ہزار پناہ گزینوں کو قبول کرنے کا مطالبہ کیا تھا۔
دوسری طرف ایک ہزار 800 پناہ گزینوں کی ایک ٹرین کئی گھنٹوں کے انتظار کے بعد سلووینیا کے لئے روانہ ہو گئی ہے۔
واضح رہے کہ ہنگری کے کروشیا کے ساتھ اپنی سرحد کو بند کرنے کے بعد مغربی یورپ کے ممالک تک پہنچنے کی کوشش کرنے والے پناہ گزین کروشیا کے راستے سلووینیا پہنچنے کی کوشش کر رہے ہیں۔
اقوام متحدہ نے بھی ہفتے کے دن 4 ہزار پناہ گزینوں کے سلووینیا میں داخل ہونے کا اعلان کیا تھا۔