امریکہ اور کیوبا کے درمیان سفارتی تعلقات بحال ہو جائیں گے: اوبام

صدر براک اوباما نے گزشتہ روز کہا ہے کہ امریکہ اور کیوبا نے سفارتی تعلقات بحال کرنے سے اتفاق کیا ہے اور اِسی ماہ واشنگٹن اور ہوانا میں سفارت خانے دوبارہ کھل جائیں گے۔
انہوں نےکہا کہ اس اقدام کا مقصد دونوں ممالک کے درمیان سالوں سے جاری رنجشوں کو ختم کرنا ہے۔
صدر اوباما نے کہا ہے کہ امریکی سیکریٹری خارجہ جان کیری رواں موسم گرما میں ہوانا جائیں گے جہاں وہ پانچ عشروں بعد امریکی سفارت خانے پر امریکی پرچم بلند کریں گے۔
واضح رہے کہ امریکی تجارتی پابندی اور کیوبا کا انسانی حقوق کا ریکارڈ ایسے معاملات ہیں جو تعلقات کی بحالی کی راہ میں حائل رہے ہیں۔
یہ بھی باور رہے کہ یہ باہمی تعلقات سن 1961 میں فیدل کاسترو کے انقلاب کے بعد منقطع ہوگئے تھے۔