آسٹریا میں مہاجرین پالیسی کے خلاف احتجاج

آسٹریا میں مہاجرین پالیسی کے خلاف احتجاج۔۔۔
آسٹریا میں حکومت کی مہاجر پالیسیوں کے خلاف ردعمل میں بتدریج اضافہ ہو رہا ہے۔
دارالحکومت ویانا میں سینکڑوں افراد وزارت داخلہ کے سامنے جمع ہوئے اور حکومت کے خلاف احتجاج کیا۔
مظاہرین نے ہاتھوں میں پلے کارڈ اٹھا رکھے تھے جن پر "مہاجرین کو رہائش دینا ایک انسانی حق ہے" کی تحریر رقم تھی۔
انہوں نے وزیر داخلہ یوحنا مِل لٹنر سے اس سلسلے میں کردار ادا کرنے کی اپیل کی اور کہا کہ خالی عمارتوں کی موجودگی کے باوجود ان افراد کو خیموں میں قید کرنا ناقابل قبول ہے۔
آسٹریا کی حکومت، مہاجرین کو رہائش کے ناکافی امکانات فراہم کرنے کی وجہ سے انسانی حقوق کی تنظیموں کی بھی تنقید کا نشانہ بن رہی ہے۔
خاص طور پر ٹرائسکرہن شہر میں 1400کی صلاحیت والے کیمپ میں 3400 مہاجرین کے قیام کی وجہ سے ایک بھگدڑ کا سامنا ہے۔
وزیر داخلہ لٹنر کے احکامات کے ساتھ گذشتہ ہفتوں سے مہاجرین کے لئے خیمے لگانے کا کام شروع کر دیا گیا تھا اور تقریباً ایک ہزار مہاجرین کو یہاں رکھا گیا تھا۔
خیموں میں مقیم مہاجرین نے بھی مہاجرت کے لئے درخواستوں کے سست عمل کے اور 32 درجے کی گرم ہوا میں زندگی کی سخت شرائط کے خلاف احتجاج کیا تھا۔
واضح رہے کہ گذشتہ سال 28 ہزار مہاجرین نے پناہ کی درخواستیں دیں اور رواں سال میں آسٹریا کی حکومت اس تعداد کے 70 ہزار تک بڑھنے کی توقع کر رہی ہے۔