مشرقی یوکرین میں جھڑپیں باعث تشویش ہیں: امریکہ

امریکہ نے مشرقی یوکرین کے علاقے، دیبالسیو کے مضافات میں بگڑتی ہوئی صورتِ حال پر اپنی شدید تشویش کا اظہار کیا ہے۔
گزشتہ روز محکمہ خارجہ کی خاتون ترجمان جین ساکی نے کہا ہے کہ تعاون سے متعلق یورپی یونین کی تنظیم کے نگرانی پر مامور خصوصی دستے نے اس بات کی تصدیق کی ہے کہ اس علاقے کے ساتھ ساتھ دیگر مقامات پر حملے جاری ہیں، جِن میں سویرو دونیسک، لوہانسک اور دونیسک شامل ہیں۔
ساکی نے کہا ہے کہ ایک روز کے دوران، روس کے حامی علیحدگی پسندوں نے 129 بار فائر نگ کی جس کے نتیجے میں پانچ افراد ہلاک جب کہ 25 زخمی ہوئےجن میں اُس قافلے پر کیا جانے والا حملہ بھی شامل ہے جس میں دیبالسیو سے زخمیوں کو منتقل کیا جا رہا تھا۔
بیان میں کہا گیا ہے کہ علیحدگی پسندوں نے دیبالسیو میں جنگ بندی سے انکار سے متعلق عام اعلان کیا ہے، جب کہ او ایس سی اِی کے مبصرین کو رسائی کے لیے سلامتی سے متعلق ضمانتیں فراہم نہیں کی گئی ہیں۔