امریکہ:وسط مدتی انتخابات،ریپبلیکنز کو اکثریت حاصل ہونے کا امکان
آج امریکہ میں وسط مدتی انتخابات کےلیے رائے دہی ہو رہی ہےجِس کے لیے تجزیہ کاروں نے پیشن گوئی کی ہے کہ ایک عشرے کے بعد ریبپلیکنز کو کانگریس میں اکثریت حاصل ہو سکتی ہے
180115
آج امریکہ میں وسط مدتی انتخابات کےلیے رائے دہی ہو رہی ہےجِس کے لیے تجزیہ کاروں نے پیشن گوئی کی ہے کہ ایک عشرے کے بعد ریبپلیکنز کو کانگریس میں اکثریت حاصل ہو سکتی ہے جس کے نتیجے میں ڈیموکریٹ پارٹی کی انتظامیہ کے آخری دو برس کی میعاد کے دوران صدر براک اوباما کے ساتھ نئے سیاسی تنازعات جنم لے سکتے ہیں۔
ری پبلیکنز کو امریکہ میں عام طور پر زیادہ قدامت پسند سیاسی جماعت خیال کیا جاتا ہے۔ پہلے ہی 435 رکنی ایوانِ نمائندگان کا کنٹرول اُسے حاصل ہے اور ممکن ہے کہ اُن کی 233 نشستوں میں مزید اضافہ ہوجائے گا۔
ریبپلیکنز 100 نشستوں والے سینیٹ کے ایوان میں بھی اکثریت حاصل کر سکتے ہیں کہ جہاں اس وقت زیادہ لبرل ڈیموکریٹس کی 55 نشستیں ہیں۔
انتخاب میں ایوان نمائندگان کی تمام نشستیں جب کہ سینیٹ کی ایک تہائی سیٹوں کے لیے رائے دہی ہوگی۔
