سلامتی کونسل نے بھی العبادی کی حمایت کر دی

اقوامِ متحدہ کی سلامتی کونسل کے ارکان نے عراق میں حیدر العبادی کی بطور وزیراعظم نامزدگی کی حمایت کی ہے ۔
ایک بیان میں واضح کیا گیا ہے کہ عراق میں نئے وزیراعظم کی نامزدگی ملک کے تمام طبقات کی نمائندگی کرنے کے حوالے سے ایک اہم اقدام ہے اور امید ہے کہ اُن کی تقرری در پیش مسائل کے خاتمے میں معاون ثابت ہو گی ۔
سلامتی کونسل نے اس بات کی بھی امید ظاہر کی ہے کہ ان کی حکومت میں ملک کے تمام طبقات کو نمائندگی کا حق حاصل ہوگا جس کے نتیجے میں عراق میں پائیدار امن اور درخشاں مستقبل کی داغ بیل پڑے گی ۔