ڈیوڈ کیمرون اور اینگیلا مرکل کے درمیان اختلاف

برطانیہ کے وزیر اعظم ڈیوڈ کیمرون یورپی یونین کمیشن کی سربراہی کے معاملے میں اپنی جرمن ہم منصب اینگیلا مرکل کے ساتھ فکری اختلاف کے بعد ان کے ساتھ مذاکرات کے لئے آج سویڈن جائیں گے۔
اجلاس آج شام شروع ہو گا اور اس میں سویڈن، جرمنی اور ہالینڈ کے وزرائے اعظم شرکت کریں گے۔
توقع ہے کہ اجلاس میں ڈیوڈ کیمرون کرسچئین ڈیموکریٹس سے یورپی یونین کمیشن کی سربراہی کے امیدوار ، لکسمبرگ کے سابقہ وزیر اعظم اور یورو زون کے سربراہ جین کلاڈ جنکر کی امیدواری کی مخالفت کا اعادہ کریں گے۔
اینگیلا مرکل جنکر کے ساتھ تعاون کر رہی ہیں جبکہ کیمرون کا خیال ہے کہ جنکر یورپی یونین کے لئے اصلاحات کے مطالبات کو پورا نہیں کر سکیں گے۔کیمرون نے ایک اجتماعی تبدیلی کی ضرورت پر زور دیتے ہوئے کہا کہ برسلز بہت بڑا اور بہت اتھارٹی والا ہے۔
واضح رہے کہ برطانیہ کے وزیر اعظم ڈیوڈ کیمرون، اپنی زیر قیادت کنزرویٹو پارٹی کے آئندہ سال کے عام انتخابات جیتنے کی صورت میں، ملک کی 1973 سے چلتی چلی آنے والی یورپی یونین کے رکنیت کے موضوع پر ریفرنڈم کروانا چاہتے ہیں۔
کیمرون کا مؤقف ہے کہ یورپی یونین کو اصلاحات کی ضرورت ہے اور برسلز کو مزید اختیار نہیں دئیے جانے چاہئیں۔