یہودی بستیوں کی تعمیر عالمی قوانین کی خلاف ورزی ہے: برطانیہ
برطانوی وزیر خارجہ ویلئم ہیگ نےکہا ہے کہ یہودی بستیوں کی تعمیر کے اسرائیلی فیصلے کے خلاف برطانیہ کا موقف اٹل رہا ہے کیونکہ یہ اقدام عالمی قوانین کی خلاف ورزی ہے جس سے دو ریاستی حل کے سلسلے کو نقصان پہنچے گا
84721
اسرائیل کی طرف سے نئی یہودی بستیوں کے قیام کے منصوبے پر برطانیہ نے رد عمل ظاہر کیا ہے۔
برطانوی وزیر خارجہ ویلئم ہیگ نے کہا ہے کہ اسرائیل کا مغربی کنارے اور مشرقی القدس میں 1500 نئی رہائشوں کی تعمیر کا فیصلہ افسوس ناک ہے ۔
انہوں نے کہا کہ اس طرح کی حرکات امن مذاکرات کو سبوتاژ کریں گی ۔
ہیگ نے کہا کہ یہودی بستیوں کی تعمیر کے اسرائیلی فیصلے کے خلاف برطانیہ کا موقف اٹل رہا ہے کیونکہ یہ اقدام عالمی قوانین کی خلاف ورزی ہے جس سے دو ریاستی حل کے سلسلے کو نقصان پہنچے گا۔
انہوں نے کہا کہ دو ریاستی حل کی کوششیں مذاکرات کے ذریعے ہی کامیاب ہو سکتی ہیں جس کےلیے برطانیہ طرفین سے اپیل کرتا ہے کہ وہ اس سلسلے میں ہوش مندی اور بالغ نظری کا مظاہرہ کریں