تھائی لینڈ میں مارشل لاء لگنے پر ترکی کی مخالفت

ترکی کی وزارتِ خارجہ نے تھائی لینڈ میں لگائے جانے والے مارشل لاء کے بعد بیان دیتے ہوئے کہا ہے کہ انہیں یقین ہے جلد ہی تھائی لینڈ میں جمہوریت کی راہ اختیار کرلی جائے گی۔
وزارتِ خارجہ کی جانب سے جاری کردہ اعلامیے میں کہا گیا ہے کہ حکومتوں کو غیر جمہوری طریقے سے گرانا اصولی طور پر غلط طریقہ ہے اور ترکی اس کی مخالفت کرتا ہے۔
جاری کردہ اعلامیے میں کہا گیا ہے کہ عوام کے ووٹوں سے منتخب حکومت کا تختہ الٹنا جمہوری اصولوں کی سرا سر خلاف ورزی ہے اور ترکی اس طریقے کی شدید مخالفت کرتا ہے۔
اعلامیے میں کہا گیا ہے کہ دوست اور برادر ملک تھائی لینڈ میں جلد ہی جمہوری حکومت بحال کرتے ہوئے عوام کے منتخب نمائندوں کو اقتدار منتقل کردیا جائے گا۔