کولمبیا میں کان کے حادثے میں چار افراد ہلاک

کولمبیا میں کان کے اندر پھنسے ہوئے افراد کے زندہ بچنے کی امیدیں ختم ہوتی جا رہی ہیں
کولمبیا کے مغرب میں سونے کی ایک غیر قانونی کان میں مٹی کا تودہ گرنے کی وجہ سے پیش آنے والے حادثے میں ہلاک ہونے والے کارکنوں کی تعداد چار ہو گئی ہے۔
امدادی کارکنوں نے ہفتے کی شام بتایا کہ کاؤکا کے علاقے میں زمین میں قریب 30 میٹر کی گہرائی میں یہ واقعہ بدھ کے روز پیش آیا تھا، جس کے بعد سے 12 کارکن ابھی تک لاپتہ ہیں۔ کولمبیا میں گزشتہ ایک ہفتے کے دوران یہ کان کنی کے شعبے میں پیش آنے والا دوسرا ہلاکت خیز حادثہ ہے۔
لاشیں نکالنے کے عمل میں مزید دو ہفتے درکار ہوں گے۔
کاؤکا بلدیہ کے چیرمین نے لاشیں نکالنے کے کام میں مشکلات پیش آنے کی وجہ سے مرکزی حکومت سے امداد کی اپیل کی ہے۔