لیبیا، عبوری اسمبلی کی تحلیل کے حوالے سے سول نا فرمانی تحریک

اطلاع کے مطابق لیبیا کے بن غازی شہر میں ملک کی عبوری اسمبلی کی قومی عمومی کانگریس کی تحلیل کے خواہاں اور ملک میں در پیش سلامتی مسائل کے خلاف احتجاج کرنے والے شہری تنظیموں کے نمائندوں، سرکاری ملازمین اور محنت کشوں کی طرف سے چھیڑی گئی سول نافرمانی کی تحریک کا خاتمہ کر دیا گیا ہے۔
تحریک میں شامل "6 اپریل " اور " طوالت نہیں چاہتے" نامی تحریکوں، سیاسی کارکنان اور شہری تنظیموں کی طرف سے جاری کردہ مشترکہ تحریری اعلامیہ میں وضاحت کی گئی ہے کہ ملک میں شروع کردہ سول نا فرمانی کی تحریک کا خاتمہ ہو گیا ہے۔
اعلامیہ میں اس طرف اشارہ کیا گیا ہے کہ اسکولوں، بینکوں اور سرکاری اداروں کا اپنی سرگرمیوں کا جاری رکھنا ایک لازمی امر ہو گا۔
شہری تنظیموں، سرکاری ملازمین اور محنت کشوں کی طرف سے سول نا فرمانی کی تحریک کا آغاز 6 اپریل کو کیا گیا تھا۔
بن غازی کے بین الاقوامی بنینا ہوائی اڈوں کے ڈائریکٹر جنرل محمد فری کاش نے اعلان کیا تھا کہ مظاہرین کی طرف سے دھمکی دیے جانے کے باعث انہیں بعض پروازوں کو منسوخ کرنا پڑا تھا۔