اکتبر آییندا تۆرکیه داشاری یورتلارا 3.87 میلیارد دلار اتومبیل و یدک پارچا ساتدی

تۆرکیأنینگ اتوموتیو پوداغی نینگ گچن آیقی داشاساتوو موقداری 3 میلیارد 870 میلیون دلار بوُلدی.

اتومبیل و یدک پارچا پوداغی تۆرکیأنینگ داشاساتووی نینگ اینگ یوُقاری بوُلان پوداغی بوُلدی.

تۆرکیه اکتبر آییندا داشاری یورتلارا 2 میلیارد 706 میلیون دلار شیمیایی ماددالار، 1 میلیارد 497 میلیون دلار دا طایار گِییم- کؤینک ساتدی.

اکتبر آییندا 2022-نجی ییلینگ اکتبر آیینا گؤرأ تۆرکیأنینگ بزه‌گ شای و جواهرات داشاساتووی دا 85 گؤتریم یوُقارلادی.

تۆرکیأنینگ گچن آیقی داشاساتووی نینگ 69.3 گؤتریمی صناغات پوداغی بوُلدی.

صناغات پوداغی نینگ داشاساتووی اکتبر آییندا 5.6 گؤتِریم یوُقارلادی و 15 میلیارد 844 میلیون دلارا یتدی.

اکرانچیلیق پوداغی دا اکتبر آیینداقی داشاساتووینگ 14.2 گؤتِریمینی اؤزۆنه دگیشلی اتدی.

اکرانچیلیق پوداغی نینگ داشاساتووی 7.3 گؤتِریم یوُقارلاپ 3 میلیارد 249 میلیون دلارا یتدی.

اکتبر آییندا تۆرکیأنینگ اینگ کؤپ داشاساتووی 1 میلیارد 508 میلیون دلار بیلن آلمانیا ادیلدی.

تۆرکیه گچن آی آمریکا 1 میلیار 81 میلیون دلار و عیراغا دا 1 میلیارد 27 میلیون دلار اؤنۆم ساتدی.