بۆتین دۆنیأ ایقدیصادیه‌ت فورومی: أردۇغان ینگ داووس ماصلاحاتینا گِلمه‌گینه قاراشیاریس
دوشوشیقلار گچیرمه‌ک اۆچین تۆرکیأ گلن برنده آناتولی حابار سریشده سی نینگ سۇراغلارینا جۇغاپ بردی
بۆتین دۆنیأ ایقدیصادیه‌ت فورومی نینگ باشلیغی برگ برنده تۆرکیأنینگ جمهورباشلیغینا داووس ماصلاحاتینا گلمه گی بارادا چاغیریش بردی.
دوشوشیقلار گچیرمه‌ک اۆچین تۆرکیأ گلن برنده آناتولی حابار سریشده سی نینگ سۇراغلارینا جۇغاپ بردی.
آنکارادا أهمیتلی دوشوشیقلار گچیرندیگینی نیغتان برنده،
"غازنا و مالیه وزیری برات آل بایراق بیلن دوشوشیغیمیزدا بۆتین دۆنیأ ایقدیصادیه‌ت فورومی بیلن تۆرکیأنینگ آراقاتناشیغینی نأحیللی یۇقارلادیپ بیلریس دییپ گِنگِه‌شدیک. بۆتین دۆنیأ ایقدیصادیه‌ت فورومی نینگ أهمیتلیدیگی باراسیندا ایلالاشدیق. شو واغت تۆرکیأنینگ ایقدیصادی تایدان یاریش ادیپ بیلجکدیگی بارادا رفرملار آلینیپ باریلیار و بو مؤهۆم" دیدی.
بۆتین دۆنیأ ایقدیصادیه‌ت فورومی نینگ باشلیغی، سؤودا وزیری روحسار پکجان بیلن ده دوشوشاندیغینی و اوروپا بیله له شیگی بیلن تۆرکیأنینگ آراسینداقی گۆمرۆک بیله له شیگی بارادا حیذماتداشلیغینگ أهمیتینه اۆنس چکدی.
تۆرکیأنینگ جمهورباشلیغی أردۇغان ینگ اؤنگۆمیزدأکی ییلقی داووس ماصلاحاتینا قاتناشماغینا قاراشیاندیقلارینی آیدان برنده،
"تۆرکیأنینگ جمهورباشلیغی أردۇغان، یانوار آییندا داووس دا گچیریلجک ۵۰-نجی ییللیق ماصلاحاتینا چاغیریلدی. چاقیلیغی قابول ادر یا دا اتمه‌ز اؤز قاراری اِمما ماصلاحاتا تۆیس یۆره‌ک بیلن چاغیریلدی" دیدی.
دِگیشلی حابارلار
پگاسوس قوربان بایرامیندا اوچار ساپارلاری نینگ سانینی یوُقارلادار
بایرام سبأپلی یوُلاغچیلارینگ اینگ کؤپ اوچار بیلن گیتجک یرلری آدانا، آنتالیا، بدروم، دالامان و ایزمیر
