گۆلیستان ولایاتی نینگ حأکیمی آشغاباتدا دوشوشیق گچیردی
ایران ینگ گۆلیستان ولایاتی نینگ حأکیمی زنگانه تۆرکمنیستانلی ماقاملار بیلن دوشوشدی
ایران ینگ گۆلیستان ولایاتی نینگ حأکیمی محمدعلی زنگانه و بیله لیگیندأکی ایرانلی توُپار آشغابات دا ساپاردا بوُلدی.
گۆلیستان ولایاتی نینگ توُپاری تۆرکمنیستان ینگ قاراشسیزلیغی نینگ 32-نجی ییلینا باغیشلانان دابارالارا قاتناشدی.
زنگانه تۆرکمنیستان ینگ داشاری ایشلر وزیری نینگ اوُرونباساری وپا حاجی یف بیلن ده دوشوشیق گچیردی.
دوشوشیقدا تۆرکمنیستان بیلن ایران اسلام جمهوریتی نینگ اؤزآرا بأحبیتلی حیذماتداشلیغی نینگ ایزی گیدرلی اؤسیأندیگینه اۆنس چکیلدی.
تۆرکمنیستان ینگ بالکان ولایاتی بیلن ایران ینگ گۆلیستان ولایاتی نینگ آراسیندا سؤودا- ایقدیصادی، اولاغ- قاتناو، یۆکلری اۆست آشیر گچیرمه ک و مدنی- انسانی اوغورلاردا حیذماتداشلیغی اؤسدۆرمه ک بوُیونچا دا پیکیر آلیشیلدی.
گۆلیستان ولایاتی نینگ حأکیمی، تۆرکمنیستان ینگ داشقی قورشاوی قوُراماق وزیری بیلن ده دوشوشیق گچیردی.
دوشوشیقدا تۆرکمنیستان بیلن گۆلیستان ولایاتیندا تأثیرینی گؤرکِزیأن چانگ- توُزان ینگ اؤنگونه گچمهک حاقیندا گنگِهشیلدی.
گۆلیستان ولایاتی نینگ توُپاری نینگ بو ساپارینا ایران ینگ مجلیسی نینگ وکیللری شوُل ساندا تۆرکمن وکیللر عبدالجلال ایری و آمانقیلیچ شادمهر ده قاتناشیار.
دِگیشلی حابارلار
نعمان قورتولموش اؤزبگیستان دا
نعمان قورتولموش اؤزبگیستان ینگ یوُقاری مجلیسی نینگ باشلیغی نورالدین جان اسماعیلوف بیلن دوشوشدی