اؤزبگیستانینگ یوُلباشچیسی ایراندا ساپاردا بوُلدی
اؤزبگیستان ایران بیلن قاتناشیقلارینی اؤسدۆرمهک ایسلهیأر
اؤزبگیستان ینگ جمهورباشلیغی شوکت میرضیایف ایران ینگ جمهورباشلیغی ابراهیم رئیسی نینگ چاقیلیغی بیلن ایرانا رسمی ساپار قوردی.
میرضیایف بو ساپاریندا ایران ینگ دینی یوُلباشچیسی آیت الله علی خامنه ای و ایرانلی ایشدِشی ابراهیم رئیسی بیلن دوشوشدی.
ایران ینگ دینی یوُلباشچیسی اؤزبک یوُلباشچی بیلن دوشوشیغیندا "قینانچ بیلن، اوزاق واغتدان بأری ایران بیلن اؤزبگیستان ینگ آراقاتناشیغی اؤرأن چأکلی بوُلوپدی. بو ساپارینگیز و تهران داقی گپلهشیکلرینگ یاغشی بیر گلجگینگ باشلانغیجی بوُلماغینی اومیت ادیأرین" دیدی.
آیت الله خامنه ای "ایران اسلام جمهوریتی اؤزبگیستان-ی تۆرکمنیستان و اوُوغانیستان آرقالی ارکین دریالارا باغلاپ بیلر. آراقاتناشیغیمیز سؤودا- تیجارت و قاتناودان باشغا بیلیم و تکنولوژی یالی پوداقلاردا دا بوُلوپ بیلر" دیدی.
اؤزبگیستان ینگ جمهورباشلیغی دا ایران دا اؤزبک توُپاری نینگ مهرلی قارشیلانماغی و ایران ینگ میهمان سؤیرلیگی اۆچین ساغ بوُلسون آیتدی.
میرضیایف ایران ینگ جمهورباشلیغی ابراهیم رئیسی بیلن ده اؤزآرا و توُپارآرا دوشوشیق گچیردی.
ایکی جمهورباشلیغینگ دوشوشیغیندا "ازلی مدنی- تاریحی آراقاتناشیقلارینگ ایکی یوردونگ قاتناشیقلارینی اؤسدۆرمأگه گۆیچلی یاغدایدا ایتِرگی بوُلاندیغی" بیلدیریلدی.
دوشوشیقدا بخارا ولایاتی بیلن همدان ولایاتی و سمرقند بیلن اصفهان شهرلری نینگ گؤنی آراقاتناشیق قورجاقدیغی بیلدیریلدی.
تهران بیلن داشکنت آراسیندا دا ایزی گیدرلی اوچار ساپارلاری نینگ دیکهدیلمهگی بارادا ایلالاشیلدی.
ایکی یورت، قوُل یازما کیتاپلار حاقیندا دا اوُرتاق بیلیم توُپاری دؤرهتجکدیگینی بیلدیردی.
تهران داقی سعدآباد کؤشگۆنینگ جمهوری سالنیندا گچیریلن اؤزآرا دوشوشیقدا ایلایتا دا ایران بیلن اوُرتاآسیا و اؤزبگیستان آراسینداقی قاتناو- ترانزیت مسئله لری حاقیندا گِنگِهشیلدی.
توُپارآرا دوشوشیقدان سوُنگرا ایکی یوردونگ جمهورباشلیغی قاتناشیقلاری گۆیچلندیرمهک اۆچین ایلالاشیق شرطناماسینا قوُل چکدیلر.
موندان داشغاری، ایکی حؤکۆمتینگ وزیرلیکلر، قورامالار و ادارالاری نینگ آراسیندا 15 شرطناما باغلاشیلدی.
اؤزبگیستان ینگ جمهورباشلیغی شوکت میرضیایف بو ساپاریندا، تهران شهریندأکی تکنولوژی سرگیسینی ده یاقیندان گؤردی.
دِگیشلی حابارلار
نعمان قورتولموش اؤزبگیستان دا
نعمان قورتولموش اؤزبگیستان ینگ یوُقاری مجلیسی نینگ باشلیغی نورالدین جان اسماعیلوف بیلن دوشوشدی
اؤزبگیستان ینگ جمهورباشلیغی ایران ینگ ایلچیحاناسینا باریپ دویغوداشلیق بیلدیردی
اؤزبک یوُلباشچی ایران ینگ داشکنت شهریندأکی ایلچیحاناسینا باردی