تۆرکمنیستان بیلن اؤزبگیستان 30 ییللیق دیپلماتیک قاتناشیقلاری قوتلادیلار
تۆرکمنیستان بیلن اؤزبگیستان ینگ آراسینداقی دیپلماتیک قاتناشیقلار ایلکینجی گِزه‌ک 1993-نجی ییلینگ 7-نجی فِورال گۆنۆنده یوُلا قوُیولیپدی
تۆرکمنیستان بیلن اؤزبگیستان ینگ دیپلماتیک قاتناشیقلاری نینگ 30-نجی ییللیغی قوتلاندی.
تۆرکمنیستان ینگ جمهورباشلیغی سردار بردی محمدوف تۆرکمنیستان ینگ حالقی نینگ و حؤکۆمتی نینگ آدیندان شیله ده اؤز آدیندان اؤزبگیستان جمهوریتی نینگ جمهورباشلیغی شوکت میرضیایف و اؤزبک حالقینا تۆرکمنیستان بیلن اؤزبگیستان ینگ آراسیندا دیپلماتیک قاتناشیقلارینگ یوُلا قوُیولماغی نینگ 30 ییللیغی میناسیبتلی تۆیس یوره‌کدن قوتلاغلارینی و اینگ قوُوی آرزوولارینی ایبردی.
تۆرکمن دؤولتی نینگ باش توتانی قوتلاغ حاطیندا تۆرکمنیستان بیلن اؤزبگیستان ینگ استراتژیک حیذماتداشلیغی نینگ بیله لیکدأکی تاغاللالارینگ نتیجه سینده موندان بیلأک ده اوُقغونلی اؤسدۆریلجکدیگینه اینام بیلدیردی.
اؤزبگیستان ینگ جمهورباشلیغی شوکت میرضیایف دا تۆرکمنیستان ینگ یوُلباشچیسی سردار بردی محمدوف و تۆرکمنیستان ینگ حالق ماصلاحاتی نینگ باشلیغی قوربان قولی بردی محمدووا حاط اوغرادیپ ایکی یوردونگ دیپلماتیک قاتناشیقلاری نینگ یوُلا قوُیولماغی نینگ 30-نجی ییللیغینی قوتلادی.
تۆرکمنیستان بیلن اؤزبگیستان ینگ آراسینداقی دیپلماتیک قاتناشیقلار 1993-نجی ییلینگ 7-نجی فِورال گۆنۆنده یوُلا قوُیولیپدی.
دِگیشلی حابارلار
تۆرکمنیستان دا یک‌شنبه گۆنی سایلاو بار
تۆرکمنیستانلیلار پارلمان، حالق ماصلاحاتی و یرلی حأکیملیکلر اۆچین سس برمأگه گیدیأر
تۆرکمنیستان حازار دنگیزینده توریسم پوداغینی اؤسدۆرمه‌ک ایسله یأر
تۆرکمنیستان، حازار دنگیزینی توریسم پوداغینا قوُشماق ایسله یأر
