آذربایجان تهران داقی ایلچیحانا ایشگأرلرینی قایتاردی

آذربایجان تهران داقی ایلچیحاناسینداقی ایشلرینی دوروزدی و ایلچیحانانینگ ایشگأرلرینی اؤز یوردونا قایتاردی.

اوچار آرقالی باکو شهرینه گلن تهران داقی آذربایجان ینگ ایلچیحاناسی نینگ پرسنلی و ماشغالالاری آذربایجان ینگ داشاری ایشلر وزیری نینگ اورونباساری خلف خلف اف و توُپاری تاراپیندان قارشیلاندی.

آذربایجان ینگ ایلچیحاناسینا آننا گۆنی قورالان هۆجۆمده شهیت بوُلان قوُراغچیلارینگ باش توتانی اوُرحان عسکروف ینگ جنازاسی دا شوُل اوچار بیلن باکوآ گتیریلدی.

آذربایجانلی سیاساتچی خلف خلف اف "بو هۆجۆم قابول ادیلیپ بیلینمه‌ز. دیپلماتیک قاتناشیقلار حاقیندا وین ایلالاشیغینا گؤرأ هر دؤولت، شوُل یورتداقی ایلچیحانالارینگ حوُوپسوزلیغیندان جوُغاپکأردیر. شیله لیک بیلن بو ترورچیلیقلی هۆجۆمدن جوُغاپکأردیر. ایران جوُغاپکأرچیلیگی نینگ طبیغی شرطی یاغدایدا، بوُلان ترورچیلیقلی حرکتی دوُلولیغینا و آچ آچان بارلامالی و گۆنأسی بوُلانلاری و اوُلارینگ آرقاسینداقی گۆیچلرینگ کیم بوُلاندیغینی آنیقلامالیدیر و اوُلارا جزا برمه‌لیدیر. بو بیزینگ ایران دان ایسله یأن اینگ آچیق ایسله گیمیزدیر" دیدی.

خلف اف "جمهورباشلیغیمیز، قین بیر زات بوُلسا دا تهران داقی ایلچیحانامیزی بوُشالتماق برااسیندا قارار آلدی. هر بیر یوردونگ ایلچیحاناسی نینگ ایشلرینی دوروزماغی جوُغاپکأرچیلیک گره‌کدیرن بیر توتومدیر." دیدی و ایلچیحانانی قوُراماق اۆچین 5 آدامینگ تهران دا قالجاقدیغینی آیتدی.

خلف اف آذربایجان ینگ تبریزدأکی باش کنسوللیغی نینگ ایشینه دوُوام اتجکدیگینی ده سؤزلرینه قوُشدی.