أردوُغان تۆرک دیلی نینگ أهمیتینه اۆنس چکدی

تۆرکیأنینگ جمهورباشلیغی رجب طیب أردوُغان، بأش دپه دأکی میللت کنگره و مدنیت مرکزینده "بیزینگ یونس" ییلی نینگ آچیلیش داباراسینا قاتناشدی.

"واطانی ایلکی بیلن دیل، سوُنگرا قشون بِکلأر، مونونگ اۆچین تۆرکچأمیزه بیره‌ک بیرِه‌گه ایه چیقمالیدیرس" دیه ن أردوُغان،

"یونس امره نینگ آرادان چیقماغی نینگ 700-نجی ییلی میناسیبتلی دۆنیأ دیلی تۆرکچه شیغاری بیلن ایشه باشلادیاریس" دیدی.

"مدنیت امپریالیزمینه قارشب قورجاق بوُلانیمیز اینگ گۆیچلی قوُراغ دیلیمیزی قوُراماقدیر" دییپ یاتلادان أردوُغان،

"دیلیمیز گۆیجۆنی ییتیرن ماحالی، سیاسی سرحتلریمیزینگ ده اوُرتاق مدنیتیمیزینگ ده نقشه لرده دینگه بیر چیزیق حؤکمۆنده قالماغینی دوروزیپ بیلمه‌ریس" دییپ بیلدیردی.

یونس امره میلادی 13-نجی عاصیردا آناتولی دا تۆرکچه قوُشغی نینگ آتاسی حؤکمۆنده بیلینیأن حالق شاهیریدیر.

بو تانیمال شاهیر، حوُراسان دان آنادولا گؤچ ادن تۆرکمن اسماعیل حاجی نینگ نبیره لریندندیر.

1240-نجی ییلدا تۆرکیأنینگ سیوری حیصار ولایاتی نینگ ساری کؤی دیه ن اوُباسیندا دوُغلان یونس امره، آناتولی داقی سلچوقلی دؤولتی نینگ دارغاماغی و دۆرلی یرلرده اولی- کیچی دؤولتلرینگ قورالماغا باشلانان دؤورۆنده دۆنیأ اینیأر.