کریمه تاتارلاری نینگ میللی بایداق گۆنی

کریمه تاتارلاری نینگ میللی بایداق گۆنی اوکراینانینگ پایتاغتی کیف ده قوتلاندی.

قوتلاما داباراسینا اوکراینانینگ داشاری ایشلر وزیری دیمیترو کوله با، داشاری ایشلر وزیری نینگ اوُرنباساری امینه چپر، کریم تاتارلاری نینگ یوُلباشچیسی مصطفی عبدالجمیل کریم اوغلی و کریم تاتار میللی مجلیسی نینگ باشلیغی رفعت چوباروف قاتناشدی.

دابارادا تاتار تۆرکلری نینگ آلتین داراق طامغالی بایداغی آسیلدی.

دابارادا چیقیش ادن اوکراینانینگ داشاری ایشلر وزیری تاتار بایداغی نینگ اوکراینا اۆچین أهمیتلی بوُلاندیغینی آیتدی و "بی قانون یاغدایدا باسیپ آلینان کریمه نینگ آزات ادیلمه گی بیزینگ اینگ أهمیتلی ایشیمیزدیر" دیدی.

کوله با اوکراینا و تاتارلارینگ بایداغی نینگ کریمه ده دیکه دیلمه گی اۆچین گؤره شجکدیکلرینی آیتدی.

کریمه نینگ تاتار مجلیسی نینگ باشلیغی چوباروف دا اوکراینا و تاتارلارینگ بایداغی نینگ بیر گۆن کریمه ده دیکه‌دیلجکدیگینه اینانیاندیغینی بیلدیردی.

تۆرک بوُلاندیغی نینگ سمبولی بوُلان گؤک بایداق اۆستۆندأکی تۆرک بوُیلاری نینگ اولانیان اۆچ دیشلی داراغی و آلتین ساریسی رنگی 1991-نجی ییلدا کریمه تاتار میللی گنگه شینده میللی بایداق حؤکمۆنده قابول ادیلیپدی.

کریمه تاتار میللی گنگه شی 2010-نجی ییلدا 26-نجی ژوئن گۆنۆنی تاتارلارینگ میللی بایداق گۆنی دییپ قوتلاماغا باشلادی.

میللی بایداق گۆنی هر ییل ژوئن آییندا قوتلانیار.